紅火鮮料火鍋專門店

营业中

休息中

太耐冇打边炉，所以今晚就同男朋友出街打边炉，本来想去牛大人，不过因为太多人，所以行左去兆万揾，在楼下睇左一阵，见成日去壹火锅，今次就试下第二间，因为时间都唔早，我见10:30后就可以食3小时，所以拣左呢间红火，一出lift见到个环境其实唔太好，不过都几多人食，我哋都要等左一阵先有位，坐低后就叫拣左个花胶海鲜煲，个煲一嚟到，我自己都觉得几足料，有2大块花胶，2只虾同几只蚬，D蚬好鲜甜，虾又好新鲜，个汤系劲好味，本来谂住任食D质素应该麻麻，但佢呢个汤真系可以比美出面散叫果D花胶鸡汤煲，真心值得推介，我哋加钱（每人$30）食埋刺身，不过其实刺身唔太好食，冇乜味嘅，所以决定下次再来就唔驶再加钱食刺身，火锅配料都系大部份任食店有嘅嘢，另外一样要赞系手打虾丸同墨鱼丸，虾丸坚有虾，2款丸都系爽口美味，因为觉得D虾同蚬唔错，所以叫左几转，牛就差左D，但黑毛猪肉反而仲好味！