尚鮮海鮮料理

营业中

休息中

近排晚上都冻，好似要入冬了，晚饭最好就系打边炉啦。同朋友行行下见到呢间火锅料理，都比较累了，顺便来试下。入到店，店员服务态度都好好，虽然店铺五算太大间，但系座位比较宽落。我地叫左个花胶鸡汤底，一上来见到好大煲汤，汤底清纯。入面真系有好多花胶，入口易咬，睇来都煲左好耐，汤料又够足，个汤饮落味道好清甜，已经狂饮3碗先录野食了。呢个安格斯牛好嫩，滚距一两分钟就食得，主要系油脂分布都好均匀，五错五错。呢个四宝丸，最好食系个虾丸，好弹牙。其实本人食猪肉系好怕肥的，呢个黑豚肉片见到以为会肥腻，但系煮熟入口又五错喔，食完都感觉五到有肥肉的味道。除左海鲜火锅，呢度仲有海鲜刺身架，我地叫左个油甘鱼刺身试下，呢个刺身都够大份啦，摆盘又靓，食落都几新鲜，好满足。总体来讲，遇到一间好餐厅，下次会再帮衬。