影片
更多
2017-08-01
99 浏览
想食物质素与环境同时兼顾到其实唔易, 虽然而家好多以环境做招牌既café, 的确有唔少厄Like功效,但食物一系就太贵一系就质素差, 今次去呢间朋友介绍既花心café, 令左一餐令人好写意既晚餐。 位置于天后同铜锣湾中间, 由铜锣湾出穿过皇室堡再行过马路, 见到价真栈个招牌行入去就会揾到! 星期日6点左右,时间尚早, 但我都book左位废事无枱~ 店员姐姐好好人(又靓女~~~), 体贴地帮我地收伞, 又问我地会唔会怕焗惊风扇吹唔到我地! 未食饭已经觉得好warm 晚餐价钱百五蚊至二百蚊左右, 大约有十多款食物,常见既意大利饭粉或者扒类都有, 连沙律餐汤餐饮。 餐汤系蘑菇忌廉汤, 表面既忌廉用作拉花,而且两碗都系不同既拉花, 相信汤比咖啡更难拉得靓~~唔系得个样既忌廉汤, 虽然未系好浓稠既程度, 但蘑菇碎打得好幼细, 平均混和于汤中, 每啖汤都尝到蘑菇碎, 但忌廉量多但唔觉得溜~ 跟餐沙律都有烟三文鱼, 细细地卷成花型, 沙律菜同蕃茄粒新鲜, 混和少量沙律醋, 酸酸甜甜够开胃~ 德国咸猪手 食西餐既话, 除左锯扒个人更爱好咸猪手!!! 呢到睇落好清淡健康, 所以叫下佢既重口味菜式睇下处理
位置于天后同铜锣湾中间, 由铜锣湾出穿过皇室堡再行过马路, 见到价真栈个招牌行入去就会揾到! 星期日6点左右,时间尚早, 但我都book左位废事无枱~ 店员姐姐好好人(又靓女~~~), 体贴地帮我地收伞, 又问我地会唔会怕焗惊风扇吹唔到我地! 未食饭已经觉得好warm
晚餐价钱百五蚊至二百蚊左右, 大约有十多款食物,常见既意大利饭粉或者扒类都有, 连沙律餐汤餐饮。
餐汤系蘑菇忌廉汤, 表面既忌廉用作拉花,而且两碗都系不同既拉花, 相信汤比咖啡更难拉得靓~~
唔系得个样既忌廉汤, 虽然未系好浓稠既程度, 但蘑菇碎打得好幼细, 平均混和于汤中, 每啖汤都尝到蘑菇碎, 但忌廉量多但唔觉得溜~
跟餐沙律都有烟三文鱼, 细细地卷成花型, 沙律菜同蕃茄粒新鲜, 混和少量沙律醋, 酸酸甜甜够开胃~
德国咸猪手
食西餐既话, 除左锯扒个人更爱好咸猪手!!! 呢到睇落好清淡健康, 所以叫下佢既重口味菜式睇下处理成点~
落单后大约十数分钟就有, 以即整黎计好快速度!!
相当有份量既咸猪手, 大大条骨, 表面铺满左炸得红卜卜既猪手皮, 从表面睇都已经feel到好香脆, 一大打开猪手皮, 系一件件切好左既猪手肉, 每件都连埋滑溜溜既脂膏
一咬落个皮, 系久违既十级脆猪皮!!!!!!好耐无食过咁脆口既咸猪手, 好惹味! 猪手肉亦同样高质, 一咬即开, 连埋肥膏食, 滑不溜口加埋松稔猪手肉, 高质㖞~~
食完个咁热气既主菜, 当然要试返啲健康既主菜
难得有全素既餐可以点, 而且全日供应, 欣赏餐厅有呢个为全素者着想既心思~
呢个色彩相当缤纷丰富既藜麦饭, 配料配得好似彩虹咁靓, 而且佢既营养价值可能比起佢既颜色更丰富呢!!
围边既有红腰豆 粟米粒 洋葱粒 蕃茄粒同埋藜麦, 正中间既系受大家女士热爱既牛油果!! 全部都系好有益既食品, 红腰豆豆类食物又高淀粉质同蛋白质, 洋葱碎较比少见, 食之前都惊会好大阵味, 食落一啲刺味都冇, 处理得好软身容易入口, 淋面既沙律黑醋汁添左酸甜令本身咁清淡既食材变得美味! 其实我本身唔太爱牛油果, 但呢到有半个, 切左块, 食落好滑口creamy, 令我一啲都唔抗拒!
甜品时间, 系玫瑰芝士饼同玫瑰芭菲杯之争, 店员话芝士饼系佢地自己handmade的!!最后拣左芭菲杯~
看似唔太大既芭菲杯, 面有两大球云尼拿雪糕, 虽然呢只味雪糕平时最唔吸引我, 但呢个云尼拿味好真, 同平时果啲平云尼拿味好唔同, 唔系得个白色但无味, 两大球好足料, 底部既海棉蛋糕混合埋溶左既雪糕, 软棉棉口感好正, 仲食到cream~ 呢个配搭都怕溜, 但草莓粒就好好担当左中和既角色, 另一主角系自制既玫瑰啫哩粒, 淡淡既甜味配埋真玫瑰花干粒系入面, 又靓又增加咬口!
呢到除左系门口坐会比较焗促之外, 摆设同设计都令人感受到置身于花花世界咁!!!配埋深棕色防木制既木椅, 确系相聚既舒适好去处!!
张贴
