就是偏偏喜歡你 (已搬遷) 新店位置

同朋友聚聚就当然要揾个好地方，一间花花少女心嘅Café就当然系不二之选，所以就嚟到花花世界嘅 就是偏偏喜欢你 食个Lunch。依间绝对系打卡-able Café，基本上每个位置都好啱打卡，除左周围布置到成个花海之外，仲有鸟笼座位选择。最特别就系店内仲有两只兔子陪伴，乖乖兔子仲可以随便摸摸，太可爱了。养生朋友就叫左一份Café主打嘅「低卡轻盈午餐配营养奶昔」，唔好以为轻盈好少嘢，但食落都真系好饱肚。以沙律菜、青瓜、蕃茄、紫番薯蓉配上烟三文鱼，再加上软硬适中嘅荞麦面，所以食落都非常爽口清新。饮品方面就芒果奶昔，入面除左有芒果、菠萝、香蕉，柠檬同果仁之外，仲有配寒天、仙草、亚奇籽，所以入口酸酸甜甜，质地厚而顺滑，加埋碎粒果仁仲增加口感添。我嘅主食就系 黑糖生姜豚肉汉堡，外层汉堡包软熟，内层豚肉软腍肥美得嚟个味道都调味刚刚好，再夹住蕃茄同生菜，所以食落够晒fresh之余口感仲好juicy，配菜仲有脆脆玉米片同埋新鲜沙律菜，整体上都可以话有惊喜。最后我就嚟杯 蜜桃小熊乳酸C，单睇个样都系啱晒打卡，而佢个味道都唔错，好重蜜桃香味之余，入面仲有啲粒粒果肉，所以酸酸地几好味够解渴。