White Hse. (已結業)

Wasabi x 忌廉蟹柳蟹籽意粉非常之有惊喜。意粉嘅硬度啱啱好。唔会太淋，又唔会太硬。忌廉又香又唔漏，令成个意粉好湿润。仲有，唔知点解每一啖食到后段果阵时，啲Wasabi味就会慢慢咁渗出黎，好特别。加上好有鲜味嘅蟹柳（唔系又粉又假𠮶啲），配上又红又橙嘅蟹籽。依碟意粉唔单止好食，影相仲一流添。金箔黑松露什菌蝴蝶粉另外一个惊喜。一般嘅蝴蝶粉通常煮到好硬，但系依个蝴蝶粉唔硬得黎又有烟韧嘅口感，煮嘅时间啱啱好。个黑松露什菌汁系依碟意粉嘅主角。佢唔系得个名，真系好有黑松露味。如果钟意黑松露嘅你一定钟意食依碟意粉。啲红红绿绿嘅菜插上一朵黄色嘅花，加上一片片嘅金箔，依碟又系一碟味道唔单止好食，影相仲一流嘅意粉。玫瑰花酿红茶红艳艳嘅玫瑰花酿红茶好有玫瑰味。想知道玫瑰系咩味？快啲过黎试啦蝶豆花绿茶下面个紫色系甜嘅部份，建议搞一搞佢先好饮。绿茶嘅味道好出，清清哋都几好饮。平时因为西餐比较贵，加上唔系间间好食，所以我好小出街食西餐，反而通常系屋企煮。不过，真心依间餐厅值得推介。环境坐得好舒服，成间餐厅点缀著好多唔同颜色嘅花，绝对系一个打卡胜地之一。加上食物嘅水平都几高，佢嘅性价比都唔错。