炑八韓烤 (歐亞銀行大廈) (已結業)

早早book 枱食头轮， 唔洗等。一行6人叫左 海鲜烤肉/ 烤肉 set 各2, 单点牛舌， 豆腐泡菜海鲜汤， 炸酱面， 最后系团购左2只嘅酱油蟹。set 嘅份量都ok, 只有牛仔骨有腌， 其他都系raw。由于系无腌嘅关系， 所以肉靓的话食原味系无问题。 但个人认为都系腌左去好啲。酱油蟹系团购价$168/只， 如果当场叫$268, 就有d 贵。味道几鲜， 蟹盖d 膏捞埋饭食一流.可惜炸酱面不是我杯茶， 豆腐泡菜海鲜汤份量够6个人饮，如果味道唔够浓。 由于叫set, 可以无限添食炉边泡菜蛋/芝士粟米。 最后讲环境， 枱与枱之间够阔落， 但可惜冷气不足， 边食边 😓烧烤板已经浓晒， 但都无人主动嚟换。要叫先换 😑, 有别于食过嘅韩烧餐厅， 密密换，怕你d 烧肉有焦㶶。90分钟话禁快就完， 大家都食得好饱饱。希望日后会有想嚟嘅冲动啦。