KATANA by SAKEH (已結業)

呢间型格武士主题日式串烧店，空间感大俾人好放松感觉，最好约朋友倾偈饮返几杯，串烧都系水准之上。－安艺虎 土佐锦酒精浓度15%有果香微甜，酒精浓度唔太高，配合大部份嘅串烧都有解腻，将食物味道再提升层次作用，非常推介啱晒女仕－餐前小食腌制白萝卜简直系惊为天人，爽脆清甜口感非常开胃。－芥末烧牛小排串烧完牛小排依然keep住肉汁牛味香浓，再配合芥末刺激味蕾，我比较钟意有芥末多过原味－烧白鳝非常钟意外皮焦脆，香浓嘅炭火烤制味－荔枝猪肉卷猪肉烤串好香口，配合荔枝水果中和油腻感，如果荔枝都可以掌握到有汁，效果应该会再Perfect －鳗鱼脆脆呢度招牌鳗鱼脆脆，首先卖相打卡一流，肥美多肉，佐酒一流－炸虾天妇罗炸粉透薄虾肉弹牙，正常水准发挥，对比系串烧出色好多。－鸡皮紫苏虾卷紫苏叶嘅清香&脆炸香口嘅鸡皮，包住爽口弹牙虾肉，而家都仲好回味－自家制月见免治鸡软骨好有咬口嘅鸡软骨，配合自家调配酱汁加日本蛋，店员仲建议我哋叫个饭团🍙沾上酱汁，唔浪费之余仲可以食到两款唔同嘅口感－士多啤梨猪肉卷呢个应该系我全晚最惊喜串烧，冇谂过士多啤梨🍓炼奶可以同猪肉卷配合到相当高，口感和谐食完有一种莫名嘅幸福感，强烈推介。－龙虾