安利魚蛋粉 (已結業)

我今日行经安利, 于是入去食番碗片头切腩捞粗,医医个肚仔, 再加杯冻奶茶, 真正人生一大怏事,点知, 食啖粗面, 发觉同平时唔同, 有苦味, 于是再试多一啖, 果然都仲有苦味, 直情系浓烈既皂水味, 于是叫个亚叔埋黎, 话比佢听碗粗面好苦, 好唔掂, 佢就话,换番粗面都分分钟唔掂, 不如换幼面, 好唔好?我梗系话好架啦,点知坐系我隔离个西装哥哥就话, 佢都食到自己碗捞冲口粗面有苦味, 于是一味饮汤,冲淡喉咙阵苦味, 我见佢碗面仲剩番一大半, 好赶时间行出去埋单. 跟住佢就黎碟净捞幼, 唔食由自可, 一食把几火, 仲苦过头先碗粗面, *皂水捞幼*至系真,当时真系无晒胃口, 行出去埋单兼投诉, 点知收银个亚姐笑笑口话, 正话系有个客食到粗面有皂水苦味, 我于是叫佢换米粉,如果早知就同你换米粉就无事啦!真系比佢吹涨!直情系「掩耳盗铃」。其实令我的起心肝写这篇食评的原因是个收银亚姐话皂水面番黎耍两日功夫去除皂水,寻日星期六卖晒, 所以今曰既面就.........。大家话系唔系离晒大谱, 为左赚钱,就不理会客人的健康,我本人绝对不会再去帮衬。