武士拉麵 (已結業)

好耐冇同男朋友去食拉面所以唔打唔撞就入左依间武士拉面。因为我比较钟意食较硬身嘅拉面,而依度嘅面质有得选择软硬度。依碗个名咁英明神武嘅丰巨将军拉面其实系一碗四国香葱油汤底嘅拉面。面头布左吾少香葱,饮落又有香浓葱油香气。日式叉烧香肥瘦比例适中,而且经过火枪烧烤过所以带有微微碳烤味,味道更有层次。糖心蛋嘅流心效果亦啱啱好。相对丰臣将军拉面,依碗沾面嘅汤底就比较冇甘出色,完全食吾出柚子味,Wasabi味道亦吾太突出,相反如果我吾知依个沾面汤底有柚子wasabi,只系鱼介的话,就相对出色。鱼介味道浓郁,不过如果浓稠返少少就更好,挂面效果会更好。