巧手製作

营业中

休息中

平时食得正餐多，今日想转下口味，买咗煎包同点心同屋企人分享，落到楼下先见到一间同唐记好相似嘅铺，叫做巧手制作，望吓餐牌先知道原来系同一个集团，不过比唐记更多选择。平时唐记只有蒸包，难得呢度有香煎包，梗系要试吓啦，呢度嘅添包唔太油腻，表明够干身，有少少脆口，不过带到返屋企都有少少水气，都系趁热食好。香煎包有几款，买咗蔬菜香菇、菜肉，蔬菜香菇包本身比较淡口，调味不错，味道适中，感觉比较健康，而且外面剪过，有啲似煎蔬菜饼。菜肉包嘅馅料份量都算多，采用嘅系瘦肉，唔会肥腻，不过肉质嘅口感可以改善，依家感觉上啲肉搞得太碎，失去咬口。几欣赏沙嗲牛肉包，牛肉份量都系几多，而且沙嗲味突出，食落有啲似沙嗲牛肉米粉嘅沙嗲酱汁，系熟悉的港式味道！外皮保持一贯唐记水准,够松软，带点湿润👍🏽另外仲叫咗牛肉肠粉，牛肉粒质量尚可，有传统酒楼嘅味道，而且肠粉非常滑口，真系喺铺头新鲜制造，排咗队一阵先买到㗎。　依家出去食餐饭一下子都$40-50 ，偶然买下简单嘅包点做午餐都系几好嘅选择。