英記火鍋海鮮酒家 (已結業)

放假摵起条筋揾朋友叹茶后逛工展会再睇戏，既然过开海，由屋企出发转三程车至去到英记⋯⋯都要去叹餐茶。皮蛋酸姜炸虾筒必食，相信好少地方会有，现炸热辣又香脆，面头舖满芝麻香气扑鼻，酸姜跟皮蛋均衡分配，好好味。过桥韮菜卷过一过上汤无咁热气，充斥一下韮菜嘅浓烈，醮点辣油(英记自家制的要收$2一碟㗎)更加惹味。马蹄糕表面吸引，味道清甜，但可惜下面系煎得奇㶶，要去掉至放心食。菜苗牛肉肠，粉皮唔会有烂淋嘅口感，而且无芫茜在内最啱我口味。避风塘百花酿茄子最赞，茄子卖相靓仔虾胶够弹牙，食得出系借助了「橙色樽盖」品牌的椒盐味。麻辣三宝最为失望，上台个造型已经扣分，麻辣汁好稀唔够味，三宝就更加唔入味啦，这里继红油抄手之后，这个三宝系第二样无下次嘅食物。