金海灣火鍋小廚 (已結業)

这是朋友的饭堂、良朋共聚、一于试试新嘢。～ 卤水猪脚仔合格、猪脚仔入口爽口唔肥腻、有淡淡幽香嘅卤水味～ 沙姜浸猪手粒合格、猪手粒入口爽滑、甜甜酸酸、送啤酒妙品，要挑剔的话、沙姜味稍为薄一点～ 脆皮烧腩仔正！皮脆肉嫩、入口有肉汁、必食之选～ 香葱玩鱼卜煲上枱卖相够镬气，不过入口油淋淋、”师傅” 味精十足、味道遍重口味、一般般、可以放弃。。。～ 啫啫鸡煲（半只）。。。唔想再重覆～ 片皮鸭（1食）只能用3 个字形容：食得饱。。。（特价卖 $68 真心无投诉。。。）～ 蜜桃京都骨肉排炸过火、有点干身同油腻～ 豉椒炒花甲合格、大排档风味～ 椒盐鲜鱿可以～ 清炒白菜仔终于有一碟比较清爽小油嘅𩠌菜、感恩～ 海蜇小炒皇失败、火喉不足、成碟嘢油淋淋、每样食材好似各顾各。。。海蜇原全失咗踪、食完只系觉得咸味十足、可以不用再试～ 秋葵高山耳兰花蚌用所谓的花蚌来炒、非个人所好、不试也罢～ 星州炒米失败、入口油淋淋滑潺潺、希望师傅可以多花半年功夫认真学习掌握火候同埋快炒方法～ 砂煲芥兰啫爽肉又油又重口味。。。综合嚟讲系一间适合一大伙朋友开开心心共聚大杯酒、大块肉、价钱又非常非常便宜的平民大排档式小炒小店。