龍城冰室

营业中

休息中

啲外国friend话最近都系见网上啲人讲香港既街头美食，我话其实点只得街头野呀，茶记都好正架。 因为咁，今日食茶记都特登影下相比friend 睇下先。虽然成日食茶记其实都系个啲，但都有好唔好食既。 今日同朋友食旺角呢间龙城冰室，系正地铁口，一出就系。 以为咁大间又新又盛，冇呢特别啦，又唔系wor。 叫左个下午茶餐： 猪扒肠米粉，跟火腿蛋同丹麦包，最传统既花生酱西多，红豆冰，同热柠水。第一次黎，冇谂过佢下午茶餐都咁大份，碗米粉好多，块猪扒手版咁大块，犀利wor。 而且都应该系即煮，因为猪扒唔系好油，连份西多上既牛油都仲热到有泡泡。 西多好厚，切完都唔会淋，落单哥哥话流心芝士西多仲受欢迎，因冇咁甜，但我地就系钟意传统个种。 最正系杯红豆冰，超多红豆同好大粒，饮落唔会好水，系真系细个饮个只味，奶同红豆比例好得。 呢间真系可以再黎。