茶記冰室 (已結業)

王的世界星期日去左石阴，走既时候见到间局茶记冰室，呢排见有d冰室开到成行成市，而且质素又唔错，见呢间未食过决定入去试下，我地一行四人等左3个字就入得，门口有得泊车直头正，坐正门口可以睇埋车，我地系门口已经睇到好多野想试，最后嗌左6个小菜，佢地既小菜包埋汤，饭同饮品，绝对抵食，坐底之后见人人都有嗌冰镇咕噜肉先知走宝，唯有下次再试过。 好快黎左例汤，不过不失都几够味。首先黎既系竟然系黄金虾，虾虽然唔算大只但新鲜，而且满布咸蛋王好咸香～之后就到西兰花炒带子，个菜唔油带子几弹牙可以平衡返黄金虾！再黎就系烧薯牛粒，薯仔同牛粒切到一啖一口，薯仔甜甜地好好味，加埋牛粒同黑椒，呢个直头必试。至于椒盐豆腐都唔错，外脆内软而且够野味。最后就系麻辣木桶手撕鸡，有只鸡翼插系上面好搞笑，鸡肉够麻，个人觉得再辣些少会更好，最后我地饱到行唔郁，个人觉得值得一试。