港煮港食 (已結業)

劲钟意食茶记嘅我，成日去唔同餐厅食早餐同常餐。以早餐黎讲，唔多餐厅有叉烧选择，难得见到呢间有，即刻入去试下啦。其他系典型常餐选择（$29），沙爹牛肉、五香肉丁、雪菜肉丝等等。朋友想清啲所以叫左彷鲍片火腿米加奄列，如果想加方饱或多士要加$1，加奶油猪要加$3，少左块饱又点叫完整的常餐呢，所以我加左$1😉。我就叫叉烧面，餐蛋加奶油猪。份量唔少，碗米粉大大碗，鲍片火腿都唔孤寒。加左$3嘅奶油猪就得半只，似乎细左啲㖞。但叉烧都唔错，够淋。符合茶记水准。食食下望望餐牌，原来佢仲有得拣香茅猪扒（$31），都系俾多$2啫，下次要再黎试先。