富都茶餐廳 (已搬遷) 新店位置

星期六, 修道日约了斋妹响千色店集合再入大西北. 到了荃湾, 才找地方医肚去. 要近近地千色店, 只有来到川龙小巴站呢条街, 找一家茶记, 快人快食. 由街头行到街尾, 始终都系一句话, 烧腊饭甚少机会出错. 看见呢间, 吊住几只烧鸭. 将其味部摆得出门口, 必定有番咁上下. 好不容易, 找到地方坐低, 不多看Menu有乜好食了, 反正已经钦点了烧腊饭. 听到不少人叫烧肉饭, 就改一改口味, 来一个叉烧烧肉饭.味部出品, 一定比其他快餐出得快, 只是整一碟热饭, 斩两斩. 就成为一份快靓正既港式美食. 叉烧, 是半肥瘦的淋淋叉烧, 而且叉烧汁都落得几重手. 所以个饭底, 非常之够味. 烧肉, 为何个个叫呢, 原来佢地既烧肉真系有一手, 皮脆, 味道不太咸. 食落去有如茶楼既烧腩仔咁既质素. (亦可能是我好彩, 切正块正腩肉俾我. 没有给我芥辣, 没有给我甜酱, 伴上的反而是羌葱. 喜葱油的我觉得更正.女友来电了, 只好快快耙埋碟饭, 饮埋杯奶茶. 食烧腊亦有个好处, 唔会太热, 急食时, 唔会辣亲五脏六腑.