影片
更多
2022-01-29
818 浏览
烂仔茶餐厅一间！之前嚟饮过茶，啲点心算唔错，又住得近，𠮶度几乎系我必经之路，所以都帮衬过几次。前排嚟饮茶，见到嚟咗两条新嘅西装友，明明喺门口个receptionist都见到我扫咗安心出行，跟住老啲瘦啲𠮶条西装友行出嚟带位，一埋嚟就叫我扫安心出行，我话俾佢知扫咗，佢隔离个receptionist都正想开声话佢知嘅同时，佢喝令我「出示返！」fine！我俾佢睇啰！跟住成间餐厅明明冇生意，个场大半都系吉嘅，又唔知点解同个receptionist讲唔俾本身安排𠮶张枱我，要我等张未执好嘅枱。最后等咗15分钟，我两个人佢安排咗张超级大枱俾我。咁我见嚟饮过几次茶佢哋啲点心都唔错，个长头发女仔认得我又sell我买萝卜糕券，反正都要送礼就买咗三张，一盒俾自己试吓。琴日去拎咗啲糕返屋企，就煎咗嚟试。哗！我今次真系见识到咩系真真正正嘅萝卜糕！成底萝卜糕系得萝卜同埋糕！大佬$328㖞，好多酒店都未够佢贵啦！又细盒！简直系难以置信！所以我连原本谂住要嚟送俾人𠮶两盒都开多盒嚟睇，结果都系一样，虾米都揾唔到多粒！剩返𠮶盒我绝对唔会够胆送俾人啰！你如果二百零蚊我都算啦，大佬三百几蚊剩系得萝卜，唔系咁样呃人系咪呀！？我今
之前嚟饮过茶，啲点心算唔错，又住得近，𠮶度几乎系我必经之路，所以都帮衬过几次。
前排嚟饮茶，见到嚟咗两条新嘅西装友，明明喺门口个receptionist都见到我扫咗安心出行，跟住老啲瘦啲𠮶条西装友行出嚟带位，一埋嚟就叫我扫安心出行，我话俾佢知扫咗，佢隔离个receptionist都正想开声话佢知嘅同时，佢喝令我「出示返！」fine！我俾佢睇啰！跟住成间餐厅明明冇生意，个场大半都系吉嘅，又唔知点解同个receptionist讲唔俾本身安排𠮶张枱我，要我等张未执好嘅枱。最后等咗15分钟，我两个人佢安排咗张超级大枱俾我。
咁我见嚟饮过几次茶佢哋啲点心都唔错，个长头发女仔认得我又sell我买萝卜糕券，反正都要送礼就买咗三张，一盒俾自己试吓。
琴日去拎咗啲糕返屋企，就煎咗嚟试。哗！我今次真系见识到咩系真真正正嘅萝卜糕！成底萝卜糕系得萝卜同埋糕！大佬$328㖞，好多酒店都未够佢贵啦！又细盒！简直系难以置信！所以我连原本谂住要嚟送俾人𠮶两盒都开多盒嚟睇，结果都系一样，虾米都揾唔到多粒！剩返𠮶盒我绝对唔会够胆送俾人啰！你如果二百零蚊我都算啦，大佬三百几蚊剩系得萝卜，唔系咁样呃人系咪呀！？
我今日落街经过附近，想话去同佢地反映下啲萝卜糕咁样唔得，点知又见到𠮶条西装老柴企咗喺门口，俾意见呢啲人都嘥气啦！之后返屋企再经过附近就行多转啦，想揾返sell我𠮶个女仔，点知我比较有印象嘅都已经冇做。我差唔多成千蚊买咗三盒垃圾真系好唔愤气！食又唔系掉又唔系！
依家仲要嚟咗条烂仔西装老柴，以后一定唔会再帮衬！
我食评入面upload唔到相？不过我都upload咗去相片度，请欣赏！
张贴