影片
更多
2021-04-27
509 浏览
𠮶日谂住去春园街间新景园叹番个驰名嘅咖哩猪扒饭点知兴致勃勃去到门口𠮶阵发现大排长龙 正当失望而回嘅时候就畀一阵超级劲爆香嘅茶胆味吸引咗望一望 见到间嘢叫「我杯茶」虽然座位逼少少 但人唔算好多亦感觉企理 所以就入咗去试食我好少饮奶茶 主要因为怕肥但𠮶日个茶胆真系太香所以就忍唔住叫咗杯冻奶茶走甜再配番个葱花双黄鸳鸯三文治（仲可以转麦包）你都咪睇啲嘢好似好简单佢上碟𠮶吓真系好AMAZING杯奶茶饮落好似时光倒流七十年咁除咗有味觉 仲有情感上嘅满足再嚟个三文治啲葱花真系好香同炒到滑不溜口嘅鸡蛋系天作之合炒蛋除咗有好强蛋香味 仲有隐约嘅奶香 好啱我心水至于成碟嘢嘅咸味 就靠个咸蛋黄带出咸得嚟好有层次同香口 本人真心欣赏 至于老公叫嘅黯然销魂饭哩又系个葱花抢晒FOCUS 真心想知店主啲葱边度入货可以咁FRESH个叉烧就睇得出系用料上乘同用心烹调亦感觉到店主刻意切成透薄咬落去好嫩滑 感觉亦香甜 绝对系好味嘅 但就唔知点解硬系觉得细个烧味舖食开𠮶啲啱口味啲可能呢啲就系童年回忆嘅威力
叹番个驰名嘅咖哩猪扒饭
点知兴致勃勃去到门口𠮶阵
发现大排长龙
正当失望而回嘅时候
就畀一阵超级劲爆香嘅茶胆味吸引咗
望一望 见到间嘢叫「我杯茶」
虽然座位逼少少 但人唔算好多
亦感觉企理
所以就入咗去试食
我好少饮奶茶 主要因为怕肥
但𠮶日个茶胆真系太香
所以就忍唔住叫咗杯冻奶茶走甜
再配番个葱花双黄鸳鸯三文治（仲可以转麦包）
你都咪睇啲嘢好似好简单
佢上碟𠮶吓真系好AMAZING
杯奶茶饮落好似时光倒流七十年咁
除咗有味觉 仲有情感上嘅满足
再嚟个三文治啲葱花真系好香
同炒到滑不溜口嘅鸡蛋系天作之合
炒蛋除咗有好强蛋香味 仲有隐约嘅奶香 好啱我心水
至于成碟嘢嘅咸味 就靠个咸蛋黄带出
咸得嚟好有层次同香口
本人真心欣赏
至于老公叫嘅黯然销魂饭哩
又系个葱花抢晒FOCUS
真心想知店主啲葱边度入货可以咁FRESH
个叉烧就睇得出系用料上乘同用心烹调
亦感觉到店主刻意切成透薄
咬落去好嫩滑 感觉亦香甜 绝对系好味嘅
但就唔知点解
硬系觉得细个烧味舖食开𠮶啲啱口味啲
可能呢啲就系童年回忆嘅威力
14 浏览
0 赞好
0 留言
7 浏览
0 赞好
0 留言
8 浏览
0 赞好
0 留言
14 浏览
0 赞好
0 留言
27 浏览
0 赞好
0 留言
张贴
