古今二 (荃新天地)

营业中

休息中

餐厅：古今二地点：荃湾荃新天地菜式：日式居酒屋餐牌：主打特色创意卷物，主餐牌有前菜沙律，刺身，寿司，多款特色卷物，烧物，串烧，锅物，天妇罗，小食炸物，饭面类同饮品。呢度都有二人前套餐。龙卷风沙律 $76 另加一龙卷风沙律成座山咁，份量几大！主要系新鲜生菜块，加入脆脆海藻，蟹柳丝，蟹籽，捞埋沙律酱同佢地既招牌酱汁，仲有唔少脆片碎增强口感。味道有少少辣，清新之余又够味道，唔会淡某某。芝士年糕 $26 另加一芝士年糕一客两件，热辣辣上枱。食落外脆内软，有流心芝士饀，芝士味够，仲有少少沙律菜垫底解腻。自家玉子烧 $55 另加一自家玉子烧一客6件，加上蟹籽，沙律酱同招牌酱汁。食落系冻玉子，带好香炙烧味，口感实在。烟花 $79 另加一烟花一客6件，系加左黑白芝麻粒嘅饭卷包住紫菜同辣味三文鱼mix辣味吞拿鱼加脆片，面头再加上辣味三文鱼mix辣味吞拿鱼，仲有蟹籽同脆片。口感系脆加滑，而味道系酸酸哋加沙律酱味，唔觉辣㖞。伴有日式芥末。餐厅以木材为主，都颇舒适，位置系喺大商场入面。今餐食物质素都唔错。