樓下冰室 (已結業)

今日约左朋友黎荃湾食饭，我地2个都无idea食咩，行到路德围比楼下冰室既门面吸引左入去。餐厅装修几唔错，好有茶餐厅特色，餐牌方面有中式亦有西式。一场黎到，梗系要试下佢既招牌瑞士汁鸡翼! 咬落好浓味，瑞士汁落得好够，而且鸡翼都好大只!正餐，我地2个各自点了咸菜胡椒滑鸡汤饭同招牌滑蛋叉烧饭。睇相到睇到咸菜胡椒鸡既用料十分足，，汤底好醒胃，而且好大碗，一个人要慢慢食先食得晒!滑蛋叉烧饭同样份量都好多，滑蛋炒到好有蛋香，又唔会太老，叉烧肥瘦适中，推介!另外，小食点左口水鸡同芝士焗西兰花。口水鸡够辣够惹味，鸡肉好嫩，捞汁食饭一流。西兰花大大棵，芝士份量刚好。