越一越南牛肉粉專門店 (已結業)

约左朋友收工食宵夜，荃湾路德围附近果边就最多宵夜，食店都开到好夜朋友话是食力生楼下一间越南野，咁我都未食过既、咁就齐齐去食～我地去到都10:15，都有几台人食紧～地方都好大，好整齐干净～有时真系好唔钟意好迫嘅餐厅，坐都坐得唔舒服几特别，将单车挂喺墙上面，钟意呢度够光猛朋友点左个生牛肉河，呢度嘅生牛肉河系真系半生，呢方面做得好好，因为出面好多已经全熟，跟本就唔系生牛肉喇已经，仲有加左金不换，越南野一定要有呢样嘢啦，亦系有d铺头都无加到既跟住就系我叫既火车头～有牛肉，牛丸，牛筋，牛腩，牛柏叶等等....佢既牛丸好爽口，好实，劲好味，一碗仲有两粒！个牛肉都好嫩，我钟意将佢浸到得返少少粉红色先食仲有好大旧白萝卜，将浸满牛肉既汤底索入去，好入味！正～仲叫咗个牛肉米纸卷，好靓呀好大旧每入边呢都有一旧好大旧嘅牛肉，牛肉系调左味，好嫩滑，外面既米纸唔会太薄，连埋入面既菜同粉丝料，口感好丰富，好清爽朋友仲叫咗一个越南嘅啤酒，佢话有种特别既味，系唔会同香港啤酒一样，佢系女仔黎都话易入口！