鋿晶館

营业中

休息中

我今日放假，一早約同好友去飲早茶，我地去左位於荃灣沙咀道130號地舖的鋿晶館，環境舒適，坐得舒服。餐廳的點心係自家製作品牌，手作點心係即叫即做，而且款式豐富多選擇，配搭多元化又經濟，我地點左：講心唔講金（乾蒸牛肉2隻）$9，腸粉配點心（香脆蘿蔔腸+潮州蒸粉果）$45 ，鮮蝦菜苗餃（3隻）$34，金珠咸水角（3隻）$24，咱家秘製叉燒包（3隻）$24，名茶每位 $8。整體黎講係高質素的菜色，鮮蝦菜苗餃好好食，菜苗新鮮，蝦肉彈牙；香脆蘿蔔腸好特色，腸粉滑溜，又食到蘿蔔的味道；金珠咸水角好香口。