貓之茶房 (眾安街)

营业中

休息中

平时假期最钟意就系周围去唔同嘅猫Cafe。今次就嚟到荃湾嘅猫之茶房。 一去到店员就叫我哋要先除鞋先可以入去同猫猫玩，而店员亦都亲切有礼，会用心同你讲解唔同有啲咩可以做，有啲咩唔可以做。而佢哋对待啲猫都好温柔，同埋十分爱惜啲猫猫。 当然，啲猫全部都好亲人，会好钟意就过嚟同你玩，有啲仲会特别钟意坐喺我哋大髀上面😍！而且啲猫亦都好活泼，用逗猫棒同佢哋玩，佢哋都会好积极，有只仲要玩咗成半个钟都仲继续玩！而且𠮶度亦都有猫粮提供，只要手上面有猫粮即刻会好多猫猫冲过嚟围住你🤤！ 玩到闷嘅时候仲可以玩吓𠮶度嘅board game，而款式亦都相当多样化，仲可以喺𠮶度借漫画书睇📖，个人认为系相当齐全。 肚饿或者口渴嘅话，亦都可以去自助贩卖机买啲芝士蛋糕，价钱亦都相对便宜。绝对系我去过其中一个最好嘅猫Cafe。