影片
更多
2016-03-01
689 浏览
上星期到荃湾区工作，顺便到香车街街市揾食，食开几间大排档开始有d闷，咁就去试下老四旁个间泰国嘢试下啦，同行友人之前食过话一般，但我就坚持要试，点知一试成主顾了。原来我哋去食个阵已经转咗手，铺头由一对泰籍男女(未知是否夫妇？)经营。当晩叫咗泰式生虾，金不换辣椒炒肉碎，泰式卤水猪手，半只烧鸡，马拉盏炒椰菜苗同泰式炒金边粉。每样食物都好正，份量足够而且普遍价位都系48至68蚊左右，以呢个价钱同食物质素嚟睇，性价比绝对高到爆。必食嘅一定系烧鸡，鸡肉腌得超入味，而且边皮d㶶位超正，有股炭烧味(未知是否炭烧)。即时令我谂起喺泰国食嘅路边炭烤鸡腿，有食过的朋友必定会有同感。泰式生虾只只新鲜弹牙，阿姐话生虾必定用新鲜虾，用剩的就用嚟整冬荫公汤(晏昼有午市套餐，冬荫公汤金边粉)，呢个态度先系似做食㗎嘛。而𩠌饭一流的就非金不换辣椒炒肉碎莫属，食落有浓厚的金不换香气，而且带有少许辣味(今次叫小辣就朋友，下次要大辣)，唔似坊间一d铺头嘅得个咸字，所以建议各食友去第一次光顾的泰式餐厅时，必先点呢个𩠌，原理就似去每间大排档必试其小炒王，系试大厨功力的𩠌菜。卤水猪手软淋入味，亦得同行友人垂青，建议先食原味，再试点随
原来我哋去食个阵已经转咗手，铺头由一对泰籍男女(未知是否夫妇？)经营。当晩叫咗泰式生虾，金不换辣椒炒肉碎，泰式卤水猪手，半只烧鸡，马拉盏炒椰菜苗同泰式炒金边粉。每样食物都好正，份量足够而且普遍价位都系48至68蚊左右，以呢个价钱同食物质素嚟睇，性价比绝对高到爆。
必食嘅一定系烧鸡，鸡肉腌得超入味，而且边皮d㶶位超正，有股炭烧味(未知是否炭烧)。即时令我谂起喺泰国食嘅路边炭烤鸡腿，有食过的朋友必定会有同感。
泰式生虾只只新鲜弹牙，阿姐话生虾必定用新鲜虾，用剩的就用嚟整冬荫公汤(晏昼有午市套餐，冬荫公汤金边粉)，呢个态度先系似做食㗎嘛。
而𩠌饭一流的就非金不换辣椒炒肉碎莫属，食落有浓厚的金不换香气，而且带有少许辣味(今次叫小辣就朋友，下次要大辣)，唔似坊间一d铺头嘅得个咸字，所以建议各食友去第一次光顾的泰式餐厅时，必先点呢个𩠌，原理就似去每间大排档必试其小炒王，系试大厨功力的𩠌菜。
卤水猪手软淋入味，亦得同行友人垂青，建议先食原味，再试点随猪手附上的酸辣汁，咁就一手两味喇。
金边粉亦炒得够镬气，甜甜酸酸十分开胃，唯上呢味时已饱肚，唯有带走。
第二次嚟食晏先记得影
超正烧鸡，食咗几旧先记得影
金不换辣椒炒肉碎
午市饭餐，热饮加一蚊，冻饮加两蚊
张贴
