鳥山名

营业中

休息中

今日去开荃湾行街，就去咗愉景新城揾嘢食，原来呢度食晚饭时间都唔算多人，要揾嘢食都唔驶等好耐位。今日就拣咗鸟山名呢间类似日本居酒屋嘅日本餐厅食嘢。贪佢无论刺身、寿司、烧物、炸物、丼饭、锅物等等乜都会可以叫黎食，因为今日乜嘢都想食啲。一嚟就先叫咗个牛油果软壳蟹野菜沙律同三文鱼腩同带子寿司先。三文鱼鱼腩鱼油丰富，带子新鲜肉厚，又系一个令人食欲大增嘅”前菜”。一口炸走地鸡外脆内嫩，令人忍唔住口食多几旧。而重点推介当然就系佢个原版马粪海胆炒饭，大量的海胆再加上满溢出来嘅三文鱼鱼子，未食已经冲击着你嘅视觉。食过之后更加系不得之了，新鲜嘅海胆配上爆汁嘅鱼子，再加埋香味四溢嘅蛋炒饭，三者配合起嚟天衣无缝，绝对唔会夺去食材本身应有嘅味道。😋再用烧菠萝来做甜品作总结，今晚满足咁返归。