玖子茶 (如心廣場二期)

营业中

休息中

平日晚上去咗荃湾如心广场嘅玖子茶食晚餐。我地大约7点左右去到，餐厅都几满座，要等阵先有位。餐厅整体装修几有格调，带点马来西亚风，而且座位都几宽敞，坐得几舒服。餐厅主打星马菜，亦都有提供一般煲仔小菜等，选择都几丰富。🔻招牌星马鸡配白饭及时令鸡汤味道：8/10价钱：$63叫咗餐厅招牌嘅星马鸡，我地加钱转咗食鸡髀位，鸡皮表面味道香，鸡肉都嫩滑美味，另外可以点点旁边个姜油同黑酱油更惹味。跟餐仲会有碗白饭同鸡汤，鸡汤味道几浓。🔻萝卜牛腩煲味道：8.5/10价钱：$77萝卜牛腩煲份量十足，接近系2人份量，店员细心提醒我地个唔好掂到个热辣辣嘅煲。牛腩炆得够入味，肥瘦均匀，几软淋，而萝卜同样惹味。套餐包咗一碗饭，我就加钱转咗油饭，油饭几香鸡油味，味道不错。另外跟餐加钱可以有杯冻饮，今次我就拣咗冻柠水。🔻药膳浸菜味道：8/10价钱：$29药材味几浓厚，菜心新鲜爽口。