老馮茶居 (荃灣千色匯II)

呢晚惊觉自己都有几个月冇去过茶楼，突然好挂住茶楼啲点心，但系夜晚茶楼又唔会有点心食，就揾咗呢间点心店，解一解思点心之苦😂咖喱蒸鱿鱼几钟意佢嘅蒸鱿鱼酱汁唔会好多，每件大大件🦑 鱿鱼爽口，咖喱味道带点辛辣，非常惹味。四宝滑鸡扎呢一个滑鸡扎用一层腐皮包裹住，入面有滑鸡件、冬菇、鱼肚同埋猪肚，真系够晒怀旧😍古法千层糕呢个真系要趁热食，千层糕非常软熟，总共有五层😗 因为有椰丝，咬落口千层层次同埋口感丰富。老冯流沙芋泥包紫色嘅外皮好特别，搣开呢个热辣辣嘅包，入面嘅芋泥馅料真系一涌而出🔥 呢个流沙芋泥馅料唔会太甜，钟意食流沙包嘅朋友可以试吓。老冯滑虾肠肠粉好滑，入面包裹住三只大虾，虾仁爽口弹牙，简单加少少豉油，已经非常美味🦐金牌炸芋角呢一个芋角都系好怀旧嘅点心，除咗似鸟巢嘅外层之外，中间有一层软绵绵嘅芋泥，在入面就有啲肉碎🐷鲜虾腐皮卷一份有三件，外层嘅炸腐皮好正，入面都有好多虾仁，配少少喼汁，真系绝配😆呢度嘅点心都几真材实料，特别系虾肠同腐皮卷，啲虾馅真系放得好满🍤 餐厅嘅怀旧装修可以俾大家怀缅一下。