影片
更多
2023-10-27
224 浏览
荃湾三坡坊有好多潮州打冷菜馆, 同好多够道地嘅大排档餐馆, 有冷气, 环境企理, 好多选择; 系三坡坊篮球场最左手边最入一间叫醉潮馆餐厅, 虽然舖头细细, 但装修好似古代客栈, 坐既系木椅, 一张张木台, 最特别的是餐牌用「本草汤目」为题嘅旧式书籍为卖相, 入面系佢啲炖汤, 很有心思! 餐牌菜式都多新颖。今晚我地去到时唔系好多人, 到7:00左右已经系全场满坐, 好热闹, 服务方面个个楼面都好好礼貌。我地要咗三个小菜, 蜜桃咕噜肉, 红烧笼中乳鸽及辣酒煮花螺。蜜桃咕噜肉 - $88咕噜肉真系由细食到大, 屋企大时大节妈咪都会整下, 看似简单, 但工序多, 所以基本上出去食饭见到都会叫。呢间嘅咕噜肉真系喜出望外, 外面层皮完全唔厚, 薄薄地又够脆, 真系脆呀! 而肉亦唔会痴牙, 够弹牙爽口, 份量又多, 啖啖肉! 咕噜肉一啲都唔肥又唔会太瘦而硬漰漰咁, 岩岩好; 咕噜汁都一样岩岩好包住肉就好足够, 酸酸甜甜, 而且用上蜜桃比起平时菠萝更加好味。红烧笼中乳鸽 - $68/只上菜用一个半开嘅鸟笼, 个卖相已经好靓, 一只乳鸽开4小份, 乳鸽皮系脆到咬落去会有声, 炸到啱啱好, 皮簿又脆口,
蜜桃咕噜肉 - $88
咕噜肉真系由细食到大, 屋企大时大节妈咪都会整下, 看似简单, 但工序多, 所以基本上出去食饭见到都会叫。呢间嘅咕噜肉真系喜出望外, 外面层皮完全唔厚, 薄薄地又够脆, 真系脆呀! 而肉亦唔会痴牙, 够弹牙爽口, 份量又多, 啖啖肉! 咕噜肉一啲都唔肥又唔会太瘦而硬漰漰咁, 岩岩好; 咕噜汁都一样岩岩好包住肉就好足够, 酸酸甜甜, 而且用上蜜桃比起平时菠萝更加好味。
红烧笼中乳鸽 - $68/只
上菜用一个半开嘅鸟笼, 个卖相已经好靓, 一只乳鸽开4小份, 乳鸽皮系脆到咬落去会有声, 炸到啱啱好, 皮簿又脆口, 好香口, 内里好juicy超多肉汁, 又嫩滑, 乳鸽大细啱啱好, 啖啖肉正。
辣酒煮花螺 - $118
花螺爽口弹牙, 肉质鲜甜, 每粒都浸满辣汁, 仲有淡淡酒香, 味蕾充满刺激。花螺都已经除厣, 又煮得啱啱好, 上菜时用小锅用火再翻热, 用长签轻轻挑出来就食得; 个辣汁浓得嚟唔算好辣, 系又香又少麻又小辣, 好食, 佐酒一流。
张贴
