影片
更多
2024-04-06
99 浏览
《DAY22 STEAK》又系荃湾揾食团！呢排系唔系俾餐厅结业嘅新闻洗版？今晚呢间餐厅，如图所见，排队呀！街舖排队呀！一定有料到！我先讲讲我食完嘅结论，就系性价比之王。如果你想一班食肉兽开开心心食餐劲！荃湾我推介呢间。特别系，如果你老豆生日，黎食一定冇我输。鹅肝配厚切美国平铁牛扒（12安士）$198+$58转套餐美国牛柳(8安士)$148+$38转套餐我先俾少少贴士大家！佢转套餐有3级，$38/48/58。全部都有汤有野饮加一个沙律／意粉／薯条，$48劲大杯，你睇下张图！目测杯野600ml左右，女仔要双日先攞得稳。所以个人建议起码叫$48，如果你请老豆黎，叫$58有埋酥皮汤，开心好多！其实$198一件安士牛扒加鹅肝，真系好难得。鹅肝油香劲，大大件！拎上黎已经开心！好难怪要个市道唔好都要排队。如果想食松软就叫牛柳，你唔好睇佢呢个价钱以为系你食开老牌扒房质素。呢度冇松肉粉，冇奇奇怪怪腌过件牛，真材实料一件美国牛俾你。我特别要提下大家，佢个意粉系值我叫。我本身以为佢又系硬硬地冇咩汁果d意粉。点知意粉就show到餐厅功架，口感刚好，唔会煮过龙。个汁好挂面，都好浓郁。沙律我就冇试，但如果意粉同薯
又系荃湾揾食团！呢排系唔系俾餐厅结业嘅新闻洗版？今晚呢间餐厅，如图所见，排队呀！街舖排队呀！一定有料到！我先讲讲我食完嘅结论，就系性价比之王。如果你想一班食肉兽开开心心食餐劲！荃湾我推介呢间。特别系，如果你老豆生日，黎食一定冇我输。
鹅肝配厚切美国平铁牛扒（12安士）$198+$58转套餐
美国牛柳(8安士)$148+$38转套餐
我先俾少少贴士大家！佢转套餐有3级，$38/48/58。全部都有汤有野饮加一个沙律／意粉／薯条，$48劲大杯，你睇下张图！目测杯野600ml左右，女仔要双日先攞得稳。所以个人建议起码叫$48，如果你请老豆黎，叫$58有埋酥皮汤，开心好多！
其实$198一件安士牛扒加鹅肝，真系好难得。鹅肝油香劲，大大件！拎上黎已经开心！好难怪要个市道唔好都要排队。如果想食松软就叫牛柳，你唔好睇佢呢个价钱以为系你食开老牌扒房质素。呢度冇松肉粉，冇奇奇怪怪腌过件牛，真材实料一件美国牛俾你。我特别要提下大家，佢个意粉系值我叫。我本身以为佢又系硬硬地冇咩汁果d意粉。点知意粉就show到餐厅功架，口感刚好，唔会煮过龙。个汁好挂面，都好浓郁。沙律我就冇试，但如果意粉同薯条拣，我建议大家要试个意粉。
作为一个荃湾人，好多事会同朋友／长辈食饭。一班人如果食得太贵又肉痛，朋友都未必舍得，长辈又未必欣赏太姿整嘅餐厅。呢间大口喝，大件肉，餐饮唔一定系普通coffee or tea，我地今日两杯都系青柠梳打，我差d叫埋杂果宾治，都唔驶另外加钱！呢间列入荃湾开心之选！
张贴
