YuMo芝士蛋糕專門店

营业中

休息中

本身谂住睇吓有咩正餐食，但行行吓经过呢间芝士蛋糕专门店，朋友话呢间好出名，而且天气又好热，所以就入去凉下冷气，顺便拣两件cake坐喺度食。本身对芝士蛋糕唔系特别太喜好，但今次试咗两件，觉得其中一件特别非常出色。柠檬纽约芝士 $38我觉得呢间喺香港嚟讲算做得几好，因为本身平时都钟意食酸嘢，而且呢个酸味同芝士夹埋一齐，识落一啲都唔觉得会好腻，可能对其他人嚟讲，纽约芝士好多地方都有得食，但我认为个柠檬配合做得非常之好，建议大家可以试一个基本嘅款先。开心果巴斯克 $62唔知系咪之前喺第二间试过Gelato开心果味，所以觉得呢件嘅开心果味唔系好突出，如果开心果味再突出啲嘅话咁就完美啦，因为时间焗得非常之好，唔会实的的，中间仲系软身嘅。下次再去既时候再试其他味，因为仲有好多款拣。其实香港有好多呢啲好出色嘅小店，只系因为租金太贵，令呢啲有潜质嘅小店控制佢哋嘅发展空间，希望佢哋可以越做越好。