醉藥雞 (啟志樓) (已結業)

嚟荃湾路德围觅食, 真系要介绍下呢间超抵食嘅小店, 佢主打砂锅鸡汤翅/药膳汤粉面, 仲有好多花雕酒酿制嘅冷盘, 价钱一啲都唔贵。上枱嘅砂锅热辣辣, 滚住上呀! 如果冬天食一定好暖身, 而家食可以养生。砂锅鸡汤翅米线 - $68成个砂锅一上枱系热辣辣仲滚的, 好浓鸡汤味, 鲜甜浓郁, 仲有金华火腿丝嘅香味。平嘅价钱真系有唔少翅呀. 啲鸡好滑; 除咗米线, 仲有得拣米粉、粉丝、刀削面、白饭、银针粉或濑粉, 真系超多选择。配埋好滑嘅米线一齐食, 好正呀! 砂锅人参鸡米线 - $68汤底饮落好有香浓, 阵阵人参甘味, 融入咗浓郁鸡汤入面。鸡肉嫩滑带点微甘味, 吸晒人参鸡嘅精华; 饮咗几啖汤, 都感到个身暖呀! 呢个锅拣左米线去搭配, 米线好滑, 鸡嘅份量非常之足料, 肉质嫩滑。麻辣鸡肾 - $36鸡肾弹牙爽口, 份量都好足料, 麻辣味又够, 辣味都够。醉鲍鱼 - $118鲍鱼有六大只, 香浓酒香渗透整个鲍鱼, 浸得好入味。鲍鱼有嚼劲而且爽口, 非常开胃既前菜。豆浆/乌龙茶 – 加$8/支支装嘅津路乌龙茶, 真系良心价钱。