鋿晶館

营业中

休息中

位于沙咀道附近的高质点心店，食物味道称得上米芝莲水准，全部自家制点心，即叫即整，需时20mins左右。今日早上带阿妈过嚟饮茶，真系好热闹坐满晒人。早茶有啲醒神孖宝可以拣。🍚梅菜肉饼饭即点即蒸嘅梅菜肉饼饭真系新鲜又好味，肉饼冇臊味，入口鲜嫩，饭粒口感都好烟靭。🥟潮洲蒸粉果 个粉果真系好足料，入面啲虾米都好新鲜，每次都会点，兼且食落小小胡椒粉辣辣地好开胃。🥬菜苗饺袖满满嘅菜苗同虾肉混合而成，外层个皮好薄。🥢叉烧肠肠粉口感好滑嫩，入面叉烧份量都几多。🍤虾饺虾饺大大粒，虾肉弹牙，都几新鲜。另外见到佢午市都出咗啲🆕新餐牌，有成四款唔同嘅套餐可以选择，而且价钱都几经济实惠。