La Barra Tapas Spanish Restaurant

营业中

休息中

长沙湾呢间西班牙菜，几个朋友都不约而同话好食，bookmark咗好耐，今次特登约埋朋友过嚟一试～ 可乐饼因为我哋三个人，所以分别叫晒三款可乐饼，最印象深刻嘅一定系墨汁鱿鱼可乐饼，filling口感顺滑又浓郁，好特别，钟意蘑菇嘅朋友都推介试呢个松露蘑菇可乐饼，松露超香仲啖啖蘑菇！ 深海八爪鱼🐙相对比较失色，虽然配上红椒粉同薯蓉，但略嫌唔够香、成道菜式亦唔太够味，食落好平淡，薯蓉亦唔算好奶滑亦偏淡。八爪鱼偏熟身，食落实身偏少少硬，有进步空间🥲 西班牙坏蛋薯条🍟几特别，薯条细细条超脆身，就好似食紧零食个只薯条咁！然后加埋爆蛋浆蛋汁，同埋咸香嘅西班牙火腰粒，个组合食落真系几过瘾，但略嫌蛋汁稍为唔够多，如果再多啲汁可能冇咁干～ 精选鱼块西班牙短米、西班牙海鲜饭 🥘两款主食嘅味道好似，所以建议大家拣一款就好，如果唔系食落会觉得分别唔大，我哋就钟意短米多啲，鱼块配上嘅酱汁几特别，有啲似加咗paprika嘅mayo，而且短米嘅口感都特别～海鲜饭就有啲失望，觉得都系太湿身，冇咗饭焦嘅质感同香味，而味道就虾味好重，重到有啲腻，揾唔到番红花嘅存在感，有啲失望🥲 Basque Burnt Cheesecake