小念頭 (億利工業中心)

营业中

休息中

之前一直都想帮呢间餐厅写下食评，可惜自年头开始餐厅就一直装修，曾经都有担心过佢哋会就此结业(早排经济麻麻)，幸好最近餐厅终于装修完毕并重新营业，所以我都拿拿淋走过去帮衬一下。装修前一份定食系无包括野饮，但装修后可以免费加铁观音茶或茉莉花茶，亦可加钱配其他特饮，另外现时餐厅正在做优惠3点后一份定食可减10蚊，变相装修后竟然减价，这点是相当有惊喜！讲番食物质素，我觉得呢间餐厅一直以来都系非常唔错，特别呢个价钱黎讲，呢点系装修后依然系无改变！今次点左两个定食，包括香煎牛舌芯定食，同埋日式盐曲五花肉定食。先讲牛舌芯定食，个日式配菜几好食，牛舌芯配埋啲味素非常好食，而且煮得够淋，唯一美中不足系份量较少，可能系食材成本较贵。另外个日式盐曲五花肉，个五花肉烧得几香几好食，同埋个盐曲酱又好夹个五花肉，而且份量唔少，仲要有送其他配菜同面豉汤。我哋仲加多左个铁观音芝士蛋糕(唔记得影相)，都一如以往咁有好香浓嘅茶味同芝士味，非常好食。最后两个人卖单系$180蚊，一均一位$90蚊，以两份日式定食再加一个甜品黎讲算系性价比高，几抵食，所以个人系几推荐！P.S. 今次光顾店员非常有礼物，用餐体验十分愉快！