Castle Cafe (已結業)

荔枝角出名多隐世餐厅，呢排咁啱去荔枝角行街顺便发掘新餐厅，见到呢间嘅午餐好吸引，而且价钱都好亲民，所以就决定入去试试😍 常餐(粟米火腿番茄浓汤通粉+美式鸡扒+牛角酥) $60番茄汤超！级！浓！到最后忍唔住饮晒啲汤，而且通粉份量好多，配埋粒粒粟米好满足😋。鸡扒食落香口多汁，同埋好嫩唔老，牛角包更加出乎意料，酥皮非常松脆，好好食！焗薯套餐 (车打芝士粟米+火腿碎蛋沙律螺丝粉) $60芝士控一定要嗌车打芝士！啲芝士多到已经跌落只碟到，焗薯包配芝士非常惹味，同埋好饱肚～螺丝粉嘅份量都好多，配埋碎蛋火腿好夹，钟意食焗薯嘅朋友记得要嗌呢个餐！