Pizza Piazza (已結業)

平时搭巴士收工成日经过呢间Pizza地舖一直好想试，今晚收工就决定去试下。舖头位置喺向街地铺，容易揾而且好近荔枝角地铁站。铺内装修简约，坐位阔落唔局促。铺头主打Pizza，有好多款色花多眼乱。红魔鬼同辣肉至尊pizza都想试，但系可惜今晚得一个人食唔到咁多，唔想浪费食物，我就拣咗忌廉烟肉MANCINI超粗意粉🍝同冻士多啤梨拿铁🍹试下。忌廉烟肉MANCINI超粗意粉🍝除左pizza 餐厅都有好多意粉选择。 扁意粉弹牙有口感，软硬适中，忌廉酱creamy 有啲似卡邦尼意粉，配料足淡淡肉。 冻士多啤梨拿铁🍹甜度适中，唔会太甜，岩我呢啲平时饮野要叫少甜既人。而且好Creamy , 饮饮下仲饮到有士多啤梨🍓粒粒，口感几丰富。