影片
更多
2014-08-15
2088 浏览
「莆田」，福建省沿海中部嘅一个城市，以为依间新食店过江龙喺嚟自国内，点知她来自星洲。近期星洲名店一间接一间晌香港插旗，之前有阿坤、乐天皇朝、Twelve Cupcake，新一员「莆田」大卖福建菜（闽菜），之前睇过啲饮食杂志介绍，福建本身为三面环海嘅省份，海产、土作皆丰富，所以福建菜以新鲜、天然嘅食材，利用精细嘅手工，保留真味嘅烹调，做出反璞真味嘅菜式 。话晒都喺晌新加坡有十多间分店嘅过江龙，所以，捧场客都络绎不绝。今晚实在有幸掹着食友车边前来试菜，并多谢公关款待！店舖位于利舞台之上，装修简约时尚，部份地砖及一啲假百页窗，都带有少少复古味。一入口右边喺4人座梳化卡位，其余较多嘅都喺4人座圆枱或方枱，少部份就喺6人或10座大圆枱，此外，仲有啲半开放式嘅「厢房」（设最低消费）。又为咗带出农家朴素嘅味道，偶尔见到一排排、一幢幢公鸡碗或酱油碟，感觉煞是有趣 。唔知你对福建菜菜式有几多认识，小弟就对佢颇陌生，翻一转菜牌，了解一下福建菜有咩菜式。基本上，菜牌内都分门别类，又图文并茂，部份特色菜更加入一小段描述，所以，点菜时都可以从中有更多参考。 饭前果简简单单一小碗提子、西瓜、哈蜜瓜、火龙果粒
店舖位于利舞台之上，装修简约时尚，部份地砖及一啲假百页窗，都带有少少复古味。一入口右边喺4人座梳化卡位，其余较多嘅都喺4人座圆枱或方枱，少部份就喺6人或10座大圆枱，此外，仲有啲半开放式嘅「厢房」（设最低消费）。又为咗带出农家朴素嘅味道，偶尔见到一排排、一幢幢公鸡碗或酱油碟，感觉煞是有趣 。
唔知你对福建菜菜式有几多认识，小弟就对佢颇陌生，翻一转菜牌，了解一下福建菜有咩菜式。基本上，菜牌内都分门别类，又图文并茂，部份特色菜更加入一小段描述，所以，点菜时都可以从中有更多参考。
饭前果简简单单一小碗提子、西瓜、哈蜜瓜、火龙果粒伴少少碎冰，清凉透心，窝心在于免费供食客享用，而依个「惊喜」暂时开业免费送，未知几时会完。
一品醉蚶 $65 生腌蛳蚶真喺唔多店家愿意做，风险高嘛，但晌莆田就可以食到，不过，每晚都供应有限。蛳蚶肉厚鲜甜，铺满辣椒香蒜，惹味就必然，仲带有少少酒香，实在叫人回味 。
糖醋皮蛋 $39 一众朋友都以为佢喺咕噜肉，实情喺糖醋皮蛋，不过，制作上跟做咕噜肉类同。糖醋汁调校不俗，甜酸有致，加埋皮蛋本身独有嘅味道，一款几新体验嘅特色小食。
虾苗伴紫菜 $42 软软潺潺嘅紫菜，食落有点醋味，配以虾苗，但虾苗下得少，所以，唔太食得出当中味道。事后留意到餐牌有绍，紫菜喺用上「头水紫菜」，即喺头一朕长成采割嘅紫菜，属量少而营养高，真喺有啲失觉晒！
九转小肠 $68 咩叫做功夫？睇佢「九折式」一圈又一圈嘅「肠圈」就应该明白，唔单卤得入味，口感软腍，再者，去晒内壁肥膏，有几何食猪肠有咁健康嘅感觉 。
土笋冻 $16 曾经跟亲友晌广州食过一次灼沙虫，口感鲜爽，所以，面对土笋冻真喺无乜难度，况且，佢已经唔喺一整条沙虫咁样，唔讲喺沙虫呃人话喺笋条都可能有人信呀。其实，食落无乜味，啲沙虫比较韧，而汤冻就爽爽滑滑咁，蘸一点日本芥辣及酱油，提提味，效果好啲。
冰浸苦瓜 $48 被喻为最薄苦瓜，的确刀工幼细，令到苦瓜片翠绿薄透，亮丽好睇。蜜糖喺刻意开稀咗，将苦瓜沾少少蜜糖，入口苦中带甜，但又唔会太抢味，极之有趣。
酥炸蛏干 $52 嚟自莆田生晒嘅蛏子干，样子非常趣怪，上粉酥炸，咬落有啲烟韧，可以话好好，蛏干味道浓郁，我谂送酒水、啤酒应该唔错。
以上一口气试咗多款特色小食，跟住又介绍吓豆腐及蔬菜类，依个类别有唔少款式。酥炒芋头 $78 / 细，$116 / 中，$153 / 大
有种潮州菜反沙芋嘅味道，但佢嘅表面就偏湿少少，喺煮溶咗嘅糖。据介绍，虽然叫炒芋头，但做法却喺先煎，再炸，然后以沙糖再兜炒，故此，入口外层有份香脆感，而内里芋香酥化，粗料精做，值得一试 。
自制滑豆腐 $68 / 细，$100 / 中，$128 / 大 外观跟广东菜嘅红烧豆腐相差无几，但啲豆腐真喺外酥内滑，豆味突出，原来啲豆腐喺自家制，唔用来货，好简单用上蚝油汁，配厚肉嘅冬菇，及清甜嘅蜜糖豆，好一道反璞归真嘅农家菜式。
药膳竹筒虾 $48 卖相骨子，以竹筒为碗，汤头颇香，药味香而不俗，又唔会太浓，两只大只鲜甜爽牙，作为一个餐前汤水，喺唔错嘅选择。
炸马鲛鱼 $36 / 件（最少两件）每年马鲛都裁得好大件，$36件实属抵食，而且，炸得香口唔油，肉质实净。不过，餐牌另列明$106 / 3件，其实只喺平两蚊，感觉有啲搞笑啫。
原味燘黄瓜鱼 $48 每一气黄花鱼都以小瓦煲盛载上枱，店家以自创2.5分钟快速蒸煮法，只喺就咁加入姜葱、海盐吊味，鱼质超滑，不过，小心食，挺多骨 。
椒盐猪手 $38 / 件（最少两件） 讲完少少海鲜菜式，口喺时候讲肉类，依道脆炸猪手喺今晚嘅亮点，唔讲真喺唔知，据介绍个猪手要先熬几个钟，逼出肥油，再炸，跟住卤水，然后风干，再炸好先上枱奉客。外皮好香脆，入口感到满满骨胶原，不过，一啲都无又肥又腻嘅感觉 ，除椒盐，仲加有五香粉，怪唔之得咁鬼惹味 。
莆田荔枝肉 $68 / 细，$100 / 中，$128 / 大菠萝咕噜肉嘅荔枝版，味道甜甜酸酸，猪肉松化，基本上食味一啲唔差，不过，食惯菠萝咕噜肉大嘅小弟，个人而言，就唔太觉得依道菜有咩特别。
莆田扁肉汤 $68 / 细，$100 / 中，$128 / 大喺福建历史悠久嘅传统家常便汤，偏肉喺一啲细细粒嘅福州燕皮饺，内里有少少肉末，入口带点韧劲，唔似广东式云吞皮咁柔绵，而汤头较为浓味，如果清一啲唔知效果会唔会仲好！
兴化米粉 $68 / 细，$100 / 中，$128 / 大 眼前依份喺大碟份量，真喺唔嘢少，米粉真喺超幼细，唔怪得被誉为「白如雪、细如丝」，话说米粉要手功做，又要晒太阳，功夫多多。米粉内有唔少海鲜，如鲜虾、蚬肉，仲加入唔少配料，如紫菜、花生、西芹等等，真喺味道丰富 。
讲开个米粉，唔可以唔顺手讲埋佢哋自家制嘅辣椒酱，卖相可爱嘅小盅，辣味唔太强，易入口，微微带出一份酸香，配米粉绝对成为好朋友 。
福建滋味又岂止咁少，一般中菜馆嘅甜品都唔会有太多选择，都喺三几款志在应酬一下食客尝甜之心，不过，嚟到莆田就真喺要留留肚试佢啲甜品，讲到甜品，要留待下篇「甜品篇」再绩 。
张贴
