16 Shell (已結業)

今晚同男朋友一齐食晚饭。16 Shell新出左一系列莞茜入馔既食物，我地梗系要叫黎食啦。首先食黑炭黑蒜蓉包先，个包外脆内软，除左有蒜蓉香，亦都有啲甜味，好味。莞茜海蚬意大利面份量十足，蚬既数量好多，意大利面煮得岩岩好，估唔到用莞茜煮意粉好夹，好出色。莞茜酥皮虾比萨批 (6吋)好特别，pizza用酥皮黎整，但都唔会油腻，而虾十分新鲜，配合莞茜、芝士又系好食之选。夏威夷蒜油虾饭系老板系夏威夷食过之后觉得好好食，所以带返黎香港。虾炸过变得香脆又大大只，白饭用蒜油捞过，虽然邪恶但唔理得甘多，真美味。 饮品叫左两杯Cocktails: Popcorn同Whiskey Sour。Popcorn 有啲似饮紧Tiramisu，但后劲酒味好出。Whiskey Sour杯沿有砂糖，味道酸酸甜甜，好易入口。