小麻吉滷肉飯 (已結業)

唔知点解最近系咁食台湾野🤔🙈呢间餐厅又系主打台式料理，不过佢哋菜式都几多，单系小食都有24款，价钱仲好抵，少少钱就可以食到几款菜肴！净系见到啲图都令人垂涎呀🤤✎ 煎蛋卤肉饭 菜新鲜爽口又多汁，钟意食菜既我绝对俾佢过关！蛋煎到薄薄地，劲滑嫩，底又唔会煎到㶶哂👍🏻饭粒粒分明，少湿但唔系烂饭🤤饭桶既我表示okok！茄子表皮唔系硬硬地，嫩嫩地，冇煮到老哂！成碟饮嘅重点卤肉一啲都唔干身，几湿润，少肥膏 ，亦都唔会太咸。😋✎ 锅烧麻辣担担面 汤底劲麻辣，但系未至于辣到唔开胃，佢都几惹味😋饺子皮薄，馅多但少肥膏😳至于炸虾炸到金黄色，好脆🍤伴菜仲有烟韧既甜不甩，令到成碗面口感层次多变～✎ 牛肉燥卷饼 表皮脆，入面有生菜包住牛肉碎，牛肉味浓得黎又有清新感！🌯✎ 冻珍珠奶茶 多珍珠，少甜，奶茶味浓。✎ 冻洛神花茶 酸酸甜甜，几似岀面野饮舖买嘅洛神花茶既味道🤣💓✎ 珍珠红豆仙草冻材料有红豆、花生、珍珠、仙草，浓郁奶味，少甜。