影片
更多
2020-07-08
360 浏览
#肥doi游葵芳.爱队利物浦系26/6正式登基做英超冠军，呢间小店就系28/6正式开张，主打卖飞碟同铁板烧小食。咁岩有日要去葵浦做野，做完野梗系过黎葵广帮衬一下当庆祝啦！-《鳗鱼飞碟》$32两块面包厚度偏薄但系烘得好松脆，就算无第一时间食都唔会好快变淋，不过做法就比较似三文治多过似飞碟，因为两块包边唔系合埋。鳗鱼馅料超丰富，由包心去到包边都充满一块块既鳗鱼，食食下跌左少少落地就知啲馅料有几满。呢个价钱就唔好期望鳗鱼系咩高质货，但起码都做到入口软淋既效果，但系如果可以比多少少鳗鱼汁就比较好，因为食到有几啖系比较淡味，不过一分钱一分货算系咁啦！.《烧牛舌》$19 牛舌烧完会切粒上，我估烧完之后师傅都有放系度等佢rest下，即使切左粒都食到有少少肉汁保留左。厚度都算系厚切，火喉掌握得唔会过火，食落唔会似香口胶咁咬唔烂。《烧猪颈肉》$19同牛舌相比猪颈肉比较平平无奇，口感保持到猪颈肉应有既爽口，但味道就无咩特别仲有少少偏慢同埋比较油腻，下次应该唔会再拣猪颈肉。.《自家制法式周打蚬汤》附送限时开张优惠买满$70会送一客自家制既法式周打蚬汤，汤身偏杰，材料都好丰富有好多烟肉、碎洋葱、薯仔粒同蚬肉系
.
爱队利物浦系26/6正式登基做英超冠军，呢间小店就系28/6正式开张，主打卖飞碟同铁板烧小食。咁岩有日要去葵浦做野，做完野梗系过黎葵广帮衬一下当庆祝啦！
-
《鳗鱼飞碟》$32两块面包厚度偏薄但系烘得好松脆，就算无第一时间食都唔会好快变淋，不过做法就比较似三文治多过似飞碟，因为两块包边唔系合埋。鳗鱼馅料超丰富，由包心去到包边都充满一块块既鳗鱼，食食下跌左少少落地就知啲馅料有几满。呢个价钱就唔好期望鳗鱼系咩高质货，但起码都做到入口软淋既效果，但系如果可以比多少少鳗鱼汁就比较好，因为食到有几啖系比较淡味，不过一分钱一分货算系咁啦！
.
《烧牛舌》$19 牛舌烧完会切粒上，我估烧完之后师傅都有放系度等佢rest下，即使切左粒都食到有少少肉汁保留左。厚度都算系厚切，火喉掌握得唔会过火，食落唔会似香口胶咁咬唔烂。
《烧猪颈肉》$19
同牛舌相比猪颈肉比较平平无奇，口感保持到猪颈肉应有既爽口，但味道就无咩特别仲有少少偏慢同埋比较油腻，下次应该唔会再拣猪颈肉。
.
《自家制法式周打蚬汤》附送限时开张优惠买满$70会送一客自家制既法式周打蚬汤，汤身偏杰，材料都好丰富有好多烟肉、碎洋葱、薯仔粒同蚬肉系入面，每一啖成口都系材料。但我略嫌啲材料真系too much，搞到饮完个汤已经饱饱地，建议可以减少材料多返啲汤水比较好。味道还好，偏重烟肉同香草味。
-
👅味道：6.5/10
🍱卖相：7/10
.
🏠环境：7.5/10
店铺既侧边都贴满左大大小小有关利物浦既海报或者精品，收银机上仲放左一个印有YNWA既灯箱(好似系)，身为利迷既我一见到即刻心心眼。门口都保持整洁同卫生，但目测好似无垃圾桶比堂食既食客食完掉垃圾。
.⭐总评分：7/10
张贴
