金牌源記 (已結業)

同朋友倾开计，我未食过蒸笼海鲜，跟住我哋就上网揾左呢间新开嘅餐厅食肆。一入到去典型嘅小菜馆格局。侍应都很亲切有善，会主动提供服务，会同食客聊天。呢度最出名嘅就系288嘅海鲜蒸套餐咁当然要点啦咁首先会嚟一个是日精选炖汤。见到餐牌都非常之丰富有多款唔同嘅海鲜。首先上枱嘅系每人一盒嘅是日炖汤汤清甜美味，可见有虫草花，无添加味精。侍应会先将准备蒸嘅海鲜成栋放系你嘅枱前面，当蒸好嘅时候就会主动帮你更换。先来一笼鲍鱼每客一只，鲍鱼味爽甜唔使落任何嘅酱汁，好味。配上陈皮丝冇咁寒凉。之后就系龙虾啦，一人半只龙虾，都算颇大都，好鲜甜食得出好新鲜。仲一个意外惊喜，清蒸菜心原来都几好食，菜心上边嘅梅菜唔会过咸，为蒸菜心增添鲜味。之后陆续仲有虾，大蚬，圣子，扇贝龙趸等等。全部都好海鲜都好新鲜，因为餐厅系直接同鱼巿场取货，所以攞到最新鲜嘅海鲜。最后结尾的是肉蟹蒸荷叶饭，由于饭吸收左蟹嘅鲜味所以泛美好鲜甜跟住再加埋荷叶一清响呢个饭简直系一流。最后就系每人一碗红豆沙作结尾。