唐記包點 (華園閣)

营业中

休息中

今日母亲大人决定罢工唔煮饭，所以我就去买咗唐记返屋企！唐记包点近来愈开愈多，可以话系总有一间喺你附近！平时有时返工我会买返个菜肉包做早餐🙈🙈🙈今日就叫咗糯米鸡同埋鸡蛋牛肉饭，仲嗌左两个点心返嚟happy share😋😋首先讲吓糯米鸡真系同佢餐牌上面写嘅一样非常足料，有冬菇有鸡翼喺入边😍😍糯米亦都煮得啱啱好唔会太淋，而且每粒饭都有荷叶嘅香味，真系物超所值！👍🏻👍🏻👍🏻鸡蛋牛肉饭嘅牛肉亦煮得好淋，仲好入味，唔觉唔觉食哂d饭添😂😂😂点心方面我哋就带嗌咗金钱肚同鹌鹑蛋烧卖😎😎金钱肚好惹味煮得甚至乎好过好多大酒楼！鹌鹑蛋烧卖怀旧得来又好味！耐唔耐食下真系回味无穷！😍😍😍贪心嘅我仲买咗我平时最钟意食嘅香煎菜肉包🍞🍗保持一贯嘅水准，肉汁鲜嫩可口！👍🏻我哋仲叫咗砵仔糕做饭后甜品，砵仔糕有好多红豆系上面满足晒钟意食红豆嘅朋友亦都唔会太甜，绝对系女士减肥之选🙆🏻‍🙆🏻‍🙆🏻‍