勝香園

营业中

休息中

一提起香港仅余嘅合法大排档，就会谂起胜香园，佢仲保留住香港六、七十年代嘅餐厅特色，冇华丽嘅外观，冇安全嘅瓦遮头，冇花肖嘅餐单，有嘅只系一份怀旧，细细地嘅煮食炉，几张簷缝下嘅折枱，一张简单嘅餐单，咁就撑起一个铺头同一个家。一讲起胜香园，就一定要食佢嘅皇牌──蕃茄汤。今次叫咗蕃茄鲜牛肉蛋通粉($33)，食蕃茄汤最好配通粉，咁就可以一路食通粉一路饮个汤。依到嘅蕃茄汤一上黎就热辣辣而且香喷喷，鲜红色酸酸甜甜嘅蕃茄好吸引到食客嘅胃口，有别于只系落蕃茄粉嘅汤底，佢嘅蕃茄汤食得出系用新鲜蕃茄煮出黎，特别浓郁，啖啖都系蕃茄味。仲叫咗两款脆脆同朋友share，牛油柠檬汁蜜糖脆脆($18)甜甜地，混酱脆脆($19)系混牛油、炼奶、果占、花生酱，值得一赞嘅系啲脆脆真系名符其实，好香脆，就黎有入口即溶嘅感觉。无论系几时黎食，人流都系好旺，而且好受旅客欢迎，只要等10-15分钟就有位。有啲人会觉得大排档唔卫生，不过见佢经营咗咁多年都屹立不倒，就知系有保证嘅餐厅！