焱川

营业中

休息中

之前已经食过呢间餐厅，后来先知原来搬左铺。搬左之后仲好似企理过以前，所以就去试试佢个lunch啦。入到去铺头唔大，但原来有楼上，所以都唔会等太耐，我地就被安排系bar枱，面对住师傅，可以睇到佢整鱼生同烧串烧。唔好嘅系，件衫同头发都会吸哂油烟嘅味。佢有lunch menu，都几多选择，我拣左薄烧牛定食（$85），佢会包埋汤、一个前菜同甜品。前菜系泡菜汁煮萝卜牛肉粒，酸酸地都几开胃。薄烧牛中间会夹左大量葱蒜，食落都几香嘅，牛肉都好松软亦都有牛味。只系佢个饭真系令整个定食失色，煮得过软，水量过多，完全系同个𩠌唔夹。而甜品方面系迷你版雪米糍，无咩特别，胜在食完成餐refresh下。