必勝客

营业中

休息中

这间Pizza Hut的薄饼算系焗得唔错嘅，一向都保持到水准，能够做到薄饼底部及批边都微㶶，松脆度啱啱好，试过新界其他几间分店，有d系完全唔㶶，所以咬落有d腍而唔系脆；又试过有d系焗过龙而太㶶，变得有点硬。唯独大埔中心这间，系每次都一样水准，不过个人最钟意食嘅意式风情，每次order都要提少酱，因为落酱真系几重手，太浓味之外，亦会因为放耐左，批会被酱汁浸腍。凯撒沙律好大碟，罗马生菜味道鲜甜，烟肉碎亦够多，只系面包脆粒太大块，无可能伴著生菜一并进食。卡邦尼烟肉意粉一般水准，无特别，但如果额外加重芝士粉味道会更香，更好味。