影片
更多
2022-07-18
130 浏览
星期六去咗久违嘅蓝田汇景广场行街，佢有啲似东九龙版嘅西九龙中心，但扫街小食店执咗唔少，就连冷面都无埋😭。最终我哋去咗「聚宝堂」开餐，呢间小店屹立多年，好有历史。我一直觉得餐厅定位好特别，因为好似乜都有得食，但明明厨房咁细都煮到咁多，好犀利👍。睇餐牌嘅过程眼花撩乱，样样都好吸引，而且仲有隐藏菜式。招牌海南鸡($49/例牌)跟配套餐(+$18)，本身唔特别想食海南鸡，但老板娘话新出，强烈推介，咁就试吓啦。套餐内容好丰富🍱，有菜、有饭、有汤同大大碟𩠌。🐔海南鸡份量好多，除咗鸡翼之外，全部经已去骨，大大啖肉，食得痛快。鸡胸肉白𠽌𠽌好靓，而且肉质一啲都唔嚡，鸡髀肉就更加唔使讲。鸡皮都有经处理过，几爽兼且唔油。酱汁几惹味，同平日食开嘅唔同，但又食唔出系边款香料。套餐包汤同饭，🍚招牌香油饭好出色，饭粒分明，油香四溢。老母鸡住家靓汤都OK，无落味精，味道清清哋。泰式猪颈肉炒米粉($53)，炒米粉可拣台式或泰式风味，然后老板娘就话泰式香口啲😆！估唔到炒米味道咁浓郁，香料味好重，而且即使嗌咗少辣，但辣味都几强🌶。米粉炒得恰到好处，湿度适中，有汁得嚟唔烂，亦无碎湿湿。🐽猪颈肉约有八片，虽无脆边，但口感都唔错
我一直觉得餐厅定位好特别，因为好似乜都有得食，但明明厨房咁细都煮到咁多，好犀利👍。睇餐牌嘅过程眼花撩乱，样样都好吸引，而且仲有隐藏菜式。
招牌海南鸡配招牌香油饭
2 浏览
0 赞好
0 留言
🐔海南鸡份量好多，除咗鸡翼之外，全部经已去骨，大大啖肉，食得痛快。鸡胸肉白𠽌𠽌好靓，而且肉质一啲都唔嚡，鸡髀肉就更加唔使讲。鸡皮都有经处理过，几爽兼且唔油。酱汁几惹味，同平日食开嘅唔同，但又食唔出系边款香料。
套餐包汤同饭，🍚招牌香油饭好出色，饭粒分明，油香四溢。老母鸡住家靓汤都OK，无落味精，味道清清哋。
泰式猪颈肉炒米粉($53)，炒米粉可拣台式或泰式风味，然后老板娘就话泰式香口啲😆！估唔到炒米味道咁浓郁，香料味好重，而且即使嗌咗少辣，但辣味都几强🌶。米粉炒得恰到好处，湿度适中，有汁得嚟唔烂，亦无碎湿湿。🐽猪颈肉约有八片，虽无脆边，但口感都唔错。
盐酥鸡拼虾卷($42)，🍗炸鸡粒酥脆唔硬，肉质几松，炸皮同调味似足台湾街头小食；但虾卷得一条，就显得有啲少啰。
天造
$48
54 浏览
0 赞好
0 留言
饮品方面🧋，我哋要咗胚芽香芋珍珠奶茶(原价$26)同埋冬瓜柠檬茶，嗌主食叫嘢饮有优惠。前者加咗胚芽特别香，珍珠亦好好𡁻，但无嗌少甜就真系甜咗啲。后者随海南鸡饭奉送，原本饮品同汤二拣一，但老板娘请我哋饮埋，味道几清香，柠味几出。
总括嚟讲，喺多年无帮衬嘅情况下，小店好似比以前优秀，食物选择涵盖中式、台式同泰式东南亚等，瓣瓣掂之余😋，价钱仲要大众化，难怪咁多街坊友持，佢全晚做外卖订单做唔停。小店人情味满满亦系卖点之一，佢绝对系汇景内嘅瑰宝💎。
最后，由于发现Openrice嘅地址无舖号🙈，所以补充返佢系162号舖，近B出口扶手电梯直上5楼，亦系广场中间嘅三角位置，座位算系半开放式状态。
张贴
