麗島小廚 (已結業)

鸡煲唔一定要食麻辣嘅，今日试咗药膳醉鸡煲，味道都唔错，最主要系啲鸡嘅质素真系高。半只鸡两个人食fit晒，因为个鸡肉同埋个汤底系分开上，所以好清楚可以睇到啲鸡肉都几白净唔会有瘀色，佢啲肉嘅颜色都几新鲜。个药膳鸡汤真系好清润，而且比想像之中少油，所以喺打边炉之前趁佢未被污染嗱嗱临整返两三碗先，佢啲药材未又唔会好浓，都几OK。原来半只鸡都唔少嘢，所以火锅配料我哋只系叫咗韭菜饺，因为侍应话佢哋呢度嘅韭菜饺系自家制，所以就试吓啦，都真系几好食，我估唔会系即叫职包，但系连啲韭菜都好新鲜𠮶吓劲。见隔篱枱有杯巨型柠茶于是我又叫咗一杯，真系几大杯饮咗好耐。