熱菇喲 (已結業)

喺中环放工约咗朋友食饭，自然就会联想到苏豪区，苏豪系一个充满着外国气息，各个国家交集嘅地方，而呢个地方自然会有各式各样唔同嘅美食。今次我就拣咗间新开嘅日本居酒屋，同朋友食下串烧，倾吓计确实系赏心乐事。铺头入面麻雀虽小但五脏俱全，以木为主嘅装修摆放日本玩具嘅衬托，充满日本味。店内下昼就提供定食，夜晚就会有串烧、烤物、佐酒小食同埋日式料理。串烧叫咗A5和牛粒，籚笋豚肉卷，无激素鸡翼，牛舌，大葱鸡肉，烧大虾，冬菇同南瓜，串烧嘅质素都好好，不会烧焦，保留住应有的肉汁同水份，值得一赞。另外叫咗啲日式料理玉子烧非常有蛋香味，切开后发现入边仲有半熟嘅内层，食落有啲流心嘅感觉。鸡泡鱼鱼干有别于一般鸡泡鱼干，比较湿润同多汁，另有一番风味。半壳蚝食得出好新鲜，配合酱汁一齐食更鲜甜。比目鱼西京烧依款老板推介我食，以西京渍腌鱼肉后再直接烧，比目鱼厚肉兼少骨鱼肉经过腌制再直接烧烤，微甜加焦香的效果，比好多日式餐厅还要好食，果然不得了。巨峰乳酸不错有饮一大杯益力多嘅感觉，混合巨峰提子汁，味道非常好，喜欢饮果汁汽水嘅朋友必试。