茶色生香

营业中

休息中

食完lunch咁啱经过，见到$14一杯鲜奶茶/鲜奶绿，真系好抵，加其他配料加$6，嗌咗杯鲜奶绿+珍珠，少甜少冰，$20。等候期间先醒起要上嚟睇下评价，点知两个comment都话超伏，吓到即刻search吓附近有冇其他茶饮店，如果难饮再买过第二杯🫢终于店员好快预备好嘢饮，系大杯嘅，个杯如同另一comment所讲的确冇logo，战战兢兢咁饮一啖，饮得到平时鲜奶绿嘅味道，唔算好甜，珍珠烟韧有咬口，系一杯正常嘅珍珠鲜奶绿👌🏻呢个价钱嚟讲性价比好高，如果将来再经过会encore。当然我唔肯定如果唔系鲜奶绿，而系普通奶茶底，个味会唔会差好远，不过鲜奶绿少冰少甜系OK嘅，可以一试。