麵屋神匠

营业中

休息中

油麻地地铁站一出行唔够2分钟，小朋友一见到拉面舖，已经拉住我话好肚饿要入去，不过我见近呢间拉面店唔止系有猪骨口味，仲有虾汤，同埋有蚬肉，我都想试吓。最好系有套餐可以拣，唔使谂，仲有小食同埋饮品，二人餐可以拣饺子或者炸鸡，炸鸡大大嚿，新鲜炸起，有入口非常Juicy。二人餐包括两碗拉面，小朋友拣咗虾汤，我就拣咗蚬肉，见到虾汤汤底非常浓郁，成个汤系血红色，好香浓浓嘅虾味，拉面软硬度适中，真系好味。蚬汤有几只大蚬，汤底好鲜味，而且咸咸地好开胃，我钟意佢汤底一啲都唔肥腻，饮多几啖都唔会口渴，其实每碗都有叉烧放喺侧边，不过个人觉得，汤底先系重点，小朋友一个人食晒一碗，证明真系好味，而我都可以将成碗汤饮晒，味道真系几出色，下次经过可以再试吓其他口味。